Se o traballo con mapas "vivos" ten interesantes posibilidades didácticas na área lingüística, é claro que dá aínda máis xogo na social (Earth, Maps...). É por iso que desde PDC estamos intentando tirarlle partido a algunhas ferramentas de xeolocalización, en tarefas con tratamento da información como

• Os muros que non caeron
• ou Rutas sobre mapas, esta última dentro dun proxecto de intercambio

E destas propostas, acollidas cun afán pouco frecuente no noso alumnado, están a saír algunhas das mellores producións do curso. Algunhas estupendas, coma esta ruta de Juan en Wayfaring con incrustación de vídeos e animacións:

Ampliado, aquí.

Exemplos de producións da primeira actividade:

• Rio de Janeiro (de Loreto)
• As dúas Coreas (de Araceli)

Tamén en PCPI temos feito propostas deste tipo, como a organización dunha saída, con resultados coma esta guía de Mónika.

Inmersos nun labor colectivo de escolma de propostas e experiencias didácticas con TIC nas distintas materias para tomar como referentes ou para adaptar, convencidos de que cómpre ir máis alá da simple incrustación -para poder construír coñecemento o propio alumnado de xeito creativo e crítico- descubrimos decontino valiosas achegas nunha rede de blogues cada vez máis ampla e aberta á partilla. Desde esta perspectiva que non usa as tecnoloxías para reforzar estratexias eminentemente transmisoras, non é que non teñan valor os recursos que constitúen produtos acabados (unha presentación, unha animación...). Sempre son incorporábeis aos deseños de procesos e actividades de investigación, resolución de problemas e produción (unha secuencia, unha webquest, un simple desafío...). Mais, as propostas de uso fundamentadas na práctica e, sobre todo, o relato de experiencias permítennos aprender (e ilusionarnos) moito máis. Para mostra, unha de conto.

E foi xustamente desde Tres Tizas desde onde chegamos a estas estupendas posibilidades para traballar con Google Maps e Tagzania, que conectan con outras xa visitadas, coma esta Vexoviaxe.

Nesa orientación, condensada aquí, cantas cousas non se poderían facer no ensino na liña de escoitar.org? Un A Nosa Fala do alumnado, por poñer un exemplo próximo neste hipertexto e sinxelo.

Un pacote de propostas con Tagzania:

Outra aplicación, máis potente na mestura (seica mashup), e tamén interesante para a xeo-referencia e a neoxeografía (!), é Platial.