Home
RSS Feed
E-Mail
Tags › normalización
Opcións en Blogaliza
Este remozamento do aspecto do blogue, condicionado por estar obrigado a revisar o funcionamento de Blogaliza, que mudou en boa medida en agosto ao incorporar Wordpress MU e que ofrece desde esta semana máis estilos visuais, non se debe só a razóns estéticas. Se esta plataforma garante que poidamos xestionar e editar a nosa bitácora en galego, non ocorre o mesmo coa presentación dos contidos: a maioría dos estilos visuais conservan, ao non ter aberto o código e estar só parcialmente adaptados, elementos noutras linguas. O que procurei foi sobre todo mellorar esta cuestión.
Con Blogger acontece xusto o contrario: si podemos crear unha tona galega, pero se pretendemos que sexa o alumnado quen xestione, acaba sendo contraproducente no que se refire a obxectivos normalizadores. Esa é a única cuestión mellorábel, desde o meu punto de vista, desta estupenda inicativa que coñezo máis a fondo grazas a Román.
Son ou non son
Cando inserín a campaña Eu son no Taboleiro da marxe, considerei a posibilidade de introducila nunha postaxe con comentario, pois semella máis ben un envío de material diverso aos centros educativos de ensino infantil, aínda que con protagonistas e obxectivos compartidos. Labor que está obrigada a realizar a Administración con tanto empeño, cando menos, como o que lle adica ao impacto mediático.
Cando inserín a campaña Eu son no Taboleiro da marxe, considerei a posibilidade de introducila nunha postaxe con comentario, pois semella máis ben un envío de material diverso aos centros educativos de ensino infantil, aínda que con protagonistas e obxectivos compartidos. Labor que está obrigada a realizar a Administración con tanto empeño, cando menos, como o que lle adica ao impacto mediático.Mais, xa non pode ficar só como entrada no Taboleiro, pois o mesmo día sabemos que a Consellaría de Educación parece que agora non pensa incluír a aprendizaxe da lectoescritura en galego no novo Decreto de galeguización do ensino. Semella que estamos diante dun abaneo, no proceso de elaboración do Decreto, producido por unha nova conxuntura política e polo cambio dun eco de paro estudantil por outro de Plataformas por la libertad del idioma. E a cousa promete continuar.
Mais, ningunha campaña nin ningún feixe de materiais (aínda que sexan tan atractivos e favorecedores do intercambio comunicativo coma estes dos Bolechas) poden substituír as -necesarias- medidas reais de normalización. Iso que chaman decisións políticas. E que hai que condicionar.
Porque a potenciación do idioma parece ficar neste tipo de cousas.
Mais, ningunha campaña nin ningún feixe de materiais (aínda que sexan tan atractivos e favorecedores do intercambio comunicativo coma estes dos Bolechas) poden substituír as -necesarias- medidas reais de normalización. Iso que chaman decisións políticas. E que hai que condicionar.
Porque a potenciación do idioma parece ficar neste tipo de cousas.
ENGADIDO a 14/02/07: Postura d'A Mesa en relación coas negociacións, contidos e prazos do novo Decreto. Breve contextualización en Vieiros.
ENGADIDO a 23/02/07: Acordo entre as forzas políticas para tirar en breve o Decreto (de mínimos). Síntese e PDF do Borrador.
Razóns fronte a ultradereita lingüística
Como se recolle no Chuza, los de la libertad del idioma reaccionan diante do que é só un proxecto, saudábel pero sen suficiente afouteza, de Decreto do uso do galego no ensino. Cómpre facer labor (in)formativo no que atinxe ao miolo desta cuestión, pois que o eco mediático destas entidades é desproporcionado. Labor na liña marcada polo PXNL e as indicacións europeas, como recolle nas súas demandas a Mesa, con argumentacións como as de Monteagudo e as que sosteñen un verdadeiro multilingüismo, só posíbel con competencia e uso normalizado da lingua minorizada.
Como se recolle no Chuza, los de la libertad del idioma reaccionan diante do que é só un proxecto, saudábel pero sen suficiente afouteza, de Decreto do uso do galego no ensino. Cómpre facer labor (in)formativo no que atinxe ao miolo desta cuestión, pois que o eco mediático destas entidades é desproporcionado. Labor na liña marcada polo PXNL e as indicacións europeas, como recolle nas súas demandas a Mesa, con argumentacións como as de Monteagudo e as que sosteñen un verdadeiro multilingüismo, só posíbel con competencia e uso normalizado da lingua minorizada.