Para aclarar algo


Sempre tiven debilidade polas liñas do tempo enriquecidas e ningunha das ferramentas da web me convencían. Mais si agora Timeline JS, cun resultado limpo e potente. Con ela elaborouse o apoio final de toda unha serie para abordar a etapa de preguerra da historia da lingua.
Mais, nunca tiven tan claro que, para a propia lingua e para a aprendizaxe do alumnado da ESO, unhas aulas expositivas, aínda complementadas con artefactos dixitais, non son o mellor camiño, nin moito menos. E a alternativa da asignación de tarefas ben pautadas pode ter nesta aplicación un bo aliado; para iso, o alumnado terá que encher de contido un documento coma este, que foi o empregado para compoñer a nosa liña. Pode facelo, ademais, en Google Docs de xeito colaborativo, e desa maneira obterá directamente a url dos datos coa que xerar o obxecto.

Aquí instalado e funcionando en galego.

ACTUALIZACIÓN (17/11/2012)
Liña do tempo das obras da literatura da posguerra (continúa, tamén dentro, aquí).