Obter, organizar e sintetizar a información dun texto expositivo
As recentes consultas de diferentes propostas para a mellora da estruturación das informacións de textos expositivos e da súa síntese, como as ben aproveitábeis de Felipe Zayas (nesta anotación e mais nestoutra), leváronos a revisar e completar algúns materiais ao respecto, usados como apoio á interacción na aula. É o caso desta práctica guiada a partir dun texto sinxelo, adaptación dun de Ernesto de Frías, e doutro algo máis complexo tomado da secuencia didáctica que estamos a traballar en PDC, Os retos do século XXI.
